سالفه توسع الصدر

السالفه ومافيها ان كان فيه 4 شباب طالعين للبر يتونسون ويطعسون وطبعا لازم كل واحد يجيب معاه شيء عيب عليه يجي وايده فاضيه لازم يشارك ربعه بالطلعه هذي المهم واتفقوا الي يجيب العشا والي يجيب الطبل والي يجيب معاه البلوت والشوكلاته وغيرها الا واحد فيهم اسمه( عبدالعزيز) قال يالربع والله انا ما اقدر اروح معكم الوالد والله تعبان المهم قالوا اصلا انت ماراح تجيب شيء يعني عادي اذا ماجيت===> مطران بس والله والشباب ركبوا ذاك الوانيت ابو غماره وحده( ياحبني للوانيت نفسي اركبه ) وترصوا الثلاثه المرح قدام وحاطين اغاني خالد عبدالرحمن والفرحه تشق فم كل واحد ويطارحون السيارات ويجاكرونها ويوم وصلوا للثمامه و حطوا عفشهم ونسيوا يجيبون معهم الحطب عشان يشبون النار قالوا لخالد رح جيب لنا حطب المهم واخذ الوانيت ويوم مشى ولا يشوف ذيك البنيه الي قلبك يحبها حاطه اللثمه والعبايه مخصره والعيون المكحله المهم ماصدق وطار عند ربعه ونسي الحطب وقال يالربع تعالوا شفت لكم بنيه اذا شفتوها يطيح قلبكم من جمالها والله ماصدقوا وقاموا وراحوا لها وقالوا (مساء الخير يا حلو..وش فيه الحلو واقف بالليل هنا) المهم وقالت بصوتها الرقيق (والله اهلي نسيوني بالبر لأن حنا كثار وابوي نساني بلحالي) قال فيصل( لعن ابو الصوت الي كذا يا بعد عمري عليه تبينا نوصلك) قالت( اذا ماعندكم مانع بس بشرط اركب ورى وانا أشر لكم على بيتنا....والله طاروا من الفرحه بيسون شيء عظيم لقيوا بنت...وركبت المهم وصارت تأشر لهم ودخلتهم في حواري وقالت والله ما ادل الطريق زين ابوي يجيبنا من طريق ثاني قالوا(يابنت الحلال شوفي الحين صرنا بنص الليل تعالي عندنا وبكرى خير ان شاء الله )قالت (اوكي) والله طلعت صايعه...المهم راحوا ونصبوا الخيمه وهي بخيمتها لوحدها محد يقرب جنبها من بعيد لبعيد الأكل المهم والعيال مستانسين واشوي وهم نايمين يحسون وحده تتحرك وجات عند فيصل وقالت له عند اذنه (احبك يا حلو الله لا يحرمني منك) الولد قام وراح فيها واشوي تضحك بصوتها العالي وتشيل شيلتها وعبايتها ويطلع خويهم الرابع الي ماراح وقاموا عليه طراقات وضرب وراحوا بالونيت وتركوه

منقوووووووووووووله